Еўрасаюз афіцыйна адключыў сем расійскіх банкаў ад сістэмы SWIFT. І гэта не ўсё
Гэта ВТБ, «Расія», «Адкрыццё», Новікамбанк, Прамсувязьбанк, «Совкомбанк» і ВЭБ.РФ.
У магчымасць такога рашэння амаль ніхто не верыў, эксперты амаль цалкам выключалі такую магчымасць. Але ніхто і не верыў і у магчымасць вайсковай агрэсіі Расіі супраць Украіны.
Акрамя таго, ЕС забараніў прадаваць, пастаўляць, экспартаваць у Расію банкноты, намінаваныя ў еўра (наяўныя еўра пастаўляць не будуць).
Згодна з інфармацыяй «Радыё Свабода», у Бруселі таксама абмяркоўвалі пытанне адключэння беларускіх банкаў ад SWIFT, але вырашылі пакінуць яго «на пазней».