У Марыупалі перанеслі эвакуацыю жыхароў з-за абстрэлу расіянамі
Расійскія войскі працягваюць абстрэльваць Марыупаль. На 5 сакавіка ў горадзе была запланавана эвакуацыя насельніцтва пад эгідай Чырвонага Крыжа.
Абстрэл Валнавахі пачаўся а 11:45 паводле ўкраінскага часу, паведаміла міністр па справах рэінтэграцыі акупаваных тэрыторый Украіны Ірына Верашчук.
З Марыупаля і Валнавахі ў Запарожжа мусілі вывезці 215 чалавек. Расія парушыла дамоўленасці пра два гуманітарныя калідоры з Валнавахі і Марыупаля нават з пасрэдніцтвам Чырвонага крыжа, заявіла Верашчук.
Такой колькасці ўцекачоў у Еўропе не было ад часу Другой сусветнай вайны. Каля 1,1 мільёна чалавек ужо выехала з Украіны праз Польшчу, Славаччыну, Венгрыю, Румынію і Малдову. Каля 5 млн чалавек выехала з Усходняй Украіны на Заходнюю, ратуючыся ад расійскіх войскаў і бамбардзіровак.
Расійскія войскі спадзяваліся захапіць Марыупаль, як і Кіеў ды Харкаў, за 48 гадзін, а пра здабыццё Валнавахі Мінабароны Расіі нават паведамляла. Аднак абарона гэтых гарадоў працягваецца ўжо 10-ы дзень.