Пасля 15 сутак выйшла на волю былая выкладчыца БДУ Таццяна Сініца
Пра гэта паведаміў у Фэйсбуку яе сын.
19 лютага былую выкладчыцу факультэта філасофіі і сацыяльных навук БДУ Таццяну Сініцу забралі з дому нібыта для прафілактычнай гутаркі. У выніку яе арыштавалі на 15 сутак, прызнаўшы вінаватай у «дробным хуліганстве».
Таццяну ўжо затрымлівалі ў 2020 годзе. У той час яна падтрымлівала забастоўку студэнтаў. У снежні 2021-га выкладчыцу звольнілі з БДУ, абвінаваціўшы ў «шматразовым парушэнні дысцыпліны».