Еўрасаюз прадставіў план поўнай адмовы ад газу, нафты і вугалю з Расіі
Еўрапейская камісія ў аўторак прапанавала план, як зрабіць Еўропу незалежнай ад расійскага выкапнёвага паліва задоўга да 2030 года — памяншаць залежнасць ад газу пачнуць ужо сёлета.
Фота: AP/Dmitry Lovetsky
Прадстаўлены план прадугледжвае памяншэнне попыту ЕС на расійскі газ на дзве траціны ўжо да канца гэтага года.
«Мы павінны стаць незалежнымі ад расійскай нафты, вугалю і газу. Мы проста не можам абапірацца на пастаўшчыка, які непасрэдна пагражае нам», — заявіла прэзідэнт Еўракамісіі Урсула фон дэр Ляен.