Нямеччына дасць прытулак беларусам, якія эвакуяваліся з Украіны
Беларусы, якія на 24 лютага знаходзіліся ва Украіне, могуць прыехаць у Нямеччыну і знаходзіцца там без візы. Такую інфармацыю размясціла нямецкае пасольства ў Польшчы.
Такія ж умовы распаўсюджваюцца на ўсіх людзей, якія былі ва Украіне 24 лютага. А таксама тых, хто ў гэты дзень не быў ва Украіне, але жыў там.
У выпадку неабходнасці бежанцы могуць падаць заяву на атрыманне віду на жыхарства ў Нямеччыне. Заяву неабходна падаваць у мясцовае ўпраўленне па справах замежнікаў.
Дадзеная пастанова дзейнічае да 23 мая 2022 года, але яе тэрмін могуць падоўжыць у залежнасці ад сітуацыі.