Пад Кіевам загінуў беларускі добраахвотнік «Тур»
«Тур» уступіў у батальён Кастуся Каліноўскага. Ён быў намеснікам камандзіра групы, калі яго атрад патрапіў у засаду.
Паведамляецца, што ён загінуў, прыкрываючы адыход сваіх паплечнікаў.
Хлопец стаяў ля вытокаў беларускага дабраахвотніцкага руху ва Украіне.
Як даведалася Радыё Свабода, «Тур» ваяваў на баку Украіны з 2014 года, уваходзіў у Тактычную групу «Беларусь». Яго сапраўднае імя Аляксей Скобля, яму быў 31 год, родам з Мінску. Пасля нападу Расеі на Украіну беларус служыў у элітным украінскім атрадзе, выконваў складаныя і сакрэтныя заданні.
Ён расказваў, што трапіць добраахвотнікам на Данбас было не цяжка. Прыходзіш у мабілізацыйны цэнтр, праходзіш навучанне, і цябе размяркоўваюць у батальён. З патрабаванняў было — быць паўнагадовым і здаровым.
Некалькі гадоў таму «Тур» удзельнічаў у баі пад Белакаменкай на Данбасе.