Беларусь уводзіць забарону на экспарт 254 прамысловых тавараў
Беларускія ўлады ўводзяць забарону на вываз 254 відаў прамысловых тавараў, паведамляе прэс-служба ўрада са спасылкай на пастанову Саўміна Беларусі.
Забарона ўводзіцца на шэсць месяцаў «для абароны эканамічных інтарэсаў дзяржавы» і ўступае ў сілу пасля афіцыйнага апублікавання, гэта значыць з 22 сакавіка.
Яшчэ адной пастановай Саўмін на 6 месяцаў забараніў вываз прадуктаў збожжаперапрацоўкі, якія выкарыстоўваюцца для кармлення жывёлы.
«Забарона распаўсюджваецца таксама на вываз бялковай сыравіны для камбікормавай прамысловасці і прынятая ў мэтах забеспячэння стабільнай працы жывёлагадоўлі», — гаворыцца ў паведамленні.