Адступаючы з ЧАЭС, расійскія войскі вынеслі посуд і тэхніку з гатэля ў зоне адчужэння
Пра гэта заявіў кіраўнік Дзяржаўнага агенцтва па пытаннях кіравання зонай адчужэння Яўген Крамарэнка.
Па яго словах, падраздзяленні расійскіх войскаў пакінулі тэрыторыю Чарнобыльскай АЭС і перад гэтым прымусілі супрацоўнікаў станцыі падпісаць акт прыёму-перадачы.
Пакідаючы ЧАЭС, салдаты РФ заняліся марадзёрствам — скралі камп’ютары, чайнікі, кававаркі, а таксама разрабавалі гатэль, адкуль забралі кухонны посуд, відэльцы, лыжкі і сервізы.