«Дзе мой тата?» Маленькі паранены хлопчык з Марыупаля плача на шпітальным ложку і кліча бацьку ВІДЭА
Маленькі паранены ўкраінскі хлопчык Дзіма плача на шпітальным ложку і кліча свайго бацьку, які, як і сын, пацярпеў ад абстрэлаў у Марыупалі.
Мужчына жывы, але ляжыць у іншай частцы шпіталя.
Лекары супакойваюць малога.
Відэа размясціла CBS News.
Паводле звестак Генпракуратуры Украіны, за час расійска-ўкраінскай вайны загінулі 153 дзіцяці, а больш за 245 былі параненыя. Больш за ўсё дзяцей пацярпела ў Кіеўскай, Данецкай, Харкаўскай і Чарнігаўскай абласцях.
Гэтыя лічбы, аднак, варта ўспрымаць толькі як мінімальныя, бо насамрэч яны могуць быць нашмат большыя.
Падчас ваенных дзеянняў дакладную статыстыку весці немагчыма пры ўсім жаданні.