У Літве арыштавалі кватэру расійскага прапагандыста Арцёма Шэйніна
У адыёзнага вядучага праграмы «Время покажет» на расійскім «Першым канале» знайшлося жыллё ў Паланзе плошчай больш за 100 квадратных метраў. Ён набыў яго ў 2014 годзе, піша lrt.lt.
Кватэрай Шэйнін валодае разам з жонкай. У 2014 годзе яны набылі жыллё за 60 тысяч еўра, а цяпер гэтая кватэра значна падаражэла.
У 2020 годзе Шэйніна называлі чалавекам, які за свае прапагандысцкія паслугі расійскім уладам атрымліваў самыя вялікія грошы.