Камісар ААН па правах чалавека: Усе целы ў Бучы неабходна эксгумаваць для расследавання
Камісар ААН па правах чалавека Мішэль Бачэлет пракаментавала ахвяры сярод мірных жыхароў горада Буча пад Кіевам.
«Мяне жахаюць выявы мірных жыхароў, якія ляжаць мёртвымі на вуліцах і ў імправізаваных магілах у горадзе Буча ва Украіне», — сказала яна.
«Паведамленні, якія паступаюць з гэтай і іншых абласцей, уздымаюць сур'ёзныя і трывожныя пытанні аб магчымых ваенных злачынствах, сур'ёзных парушэннях міжнароднага гуманітарнага права і сур'ёзных парушэннях міжнароднага права ў галіне правоў чалавека. Важна, каб усе целы былі эксгумаваныя і ідэнтыфікаваныя, каб можна было праінфармаваць сем'і ахвяр і ўсталяваць дакладныя прычыны смерці. Неабходна прыняць усе меры для захавання доказаў», — заявіла Бачэлет.