Чатырохгадовага Сашу, якога каля месяца шукалі бацькі пасля эвакуацыі з Кіеўскай вобласці, знайшлі мёртвым
«Сёння мы знайшлі цела Сашанькі … Яго душа атрымала спакой», — паведаміла ў сацсетках маці хлопчыка.
Дзіця знікла 10 сакавіка. Хлопчык быў у бабулі ў Вышгародскім раёне Кіеўскай вобласці. Калі пачаліся аблога і бамбёжкі, мясцовыя жыхары вырашылі эвакуяваць дзяцей і жанчын лодкамі. 10 сакавіка Саша і бабуля спрабавалі эвакуявацца з Вышгарада, пераправіцца праз Дняпро. Праз дзесяць хвілін сувязь з лодкай была страчаная.
Пасля, 11 сакавіка, ратавальнікі знайшлі цела бабулі. Пра хлопчыка нічога не было вядома, таму сям'я працягвала пошукі. Да пошукаў хлопчыка падключаліся і ва Украіне, і ў Малдове, і іншых краінах
У ноч на 6 красавіка маці паведаміла, што цела дзіцяці знайшлі.