Ягора Марціновіча і Андрэя Скурко перавялі ў Магілёў
Нашаніўцаў Андрэя Скурко і Ягора Марціновіча перавялі ў СІЗА Магілёва. Яны будуць знаходзіцца там на час разгляду апеляцыі.
Фота: Спутнік
Галоўны рэдактар «Нашай Нівы» Ягор Марціновіч і кіраўнік аддзела рэкламы Андрэй Скурко знаходзяцца за кратамі з 8 ліпеня 2021 года.
15 сакавіка яны былі асуджаныя да двух з паловай гадоў калоніі праз абсурднае абвінавачванне ў «нанясенні маёмаснай шкоды без прыкмет крадзяжу, здзейсненае групай асобаў па папярэдняй змове, у буйным памеры».
Падтрымайце Андрэя і Ягора лістамі:
СТ-4, Магілёў, вул. Крупскай, 99А, 212011.
Скурко Андрэю Генадзевічу,
Марціновічу Ягору Аляксандравічу.