Вікіпедыста з Брэста Паўла Пернікава асудзілі на два гады калоніі
Нагода — артыкулы пра рэпрэсіі ў Беларусі і катаванні ў калоніях і ізалятарах, паведамляе «Вясна».
Артыкул па якім яго абвіначвалі, — «Дыскрэдытацыя Рэспублікі Беларусь» (арт. 369-1).
Пракурор Алена Ціхановіч на судзе прадставіла тры факты:
— у «Вікіпедыі» Павел Пернікаў дапісаў абзац пра забойства ў Брэсце Генадзя Шутава, а таксама пра нежаданне беларускіх уладаў браць на сябе адказнасць за такія смерці;
— у «Вікіпедыі» ў артыкул пра цэнзуру дадаў згадку пра забойства ў 2004 годзе журналісткі Веранікі Чаркасавай;
— на сайце праваабарончай арганізацыі выклаў артыкул пра катаванні і смерці ў месцах пазбаўлення волі.
Суддзя Яўген Брэган пагадзіўся з прапанаваным пракуроркай пакараннем: 2 гады пазбаўлення волі.