У нобелеўскага лаўрэата Дзмітрыя Муратава — апёк вачэй
На галоўнага рэдактара расійскай «Новай газеты» напалі ўчора ў цягніку Масква — Самара.
На нобелеўскага лаўрэата прэміі міру Дзмітрыя Муратава ў чацвер напаў невядомы, абліўшы яго сумессю алейнай фарбы з ацэтонам у цягніку Масква — Самара.
Пры гэтым нападнік выгукнуў: «Муратаў, вось табе за нашых пацаноў».
Сёння «Новая газета» паведаміла, што Дзмітрый пасля нападзення прайшоў абследаванне ў Самары. У яго дыягнаставалі апёк вачэй і кан’юнктывы, рагавіца цэлая.