Самалёт Мінск — Ташкент зрабіў экстраную пасадку ў Маскве
У маскоўскім аэрапорце «Дамадзедава» экстрана сеў самалёт Airbus A-320 кампаніі «Узбекістан», які выконваў рэйс Мінск —Ташкент, перадае ТАСС. Перад гэтым было атрыманае ананімнае паведамленне пра мініраванне.
Паведамляецца, што цяпер самалёт правяраюць на наяўнасць выбухова небяспечных прадметаў і выбуховых рэчываў. Таксама праводзяцца следчыя мерапрыемствы.