Пуцін заявіў, што было б лепш, каб вайна хутчэй скончылася
Учора адбыўся візіт канцлера Аўстрыі Карла Нехамера ў Маскву, дзе аўстрыйскі палітык сустрэўся з Уладзімірам Пуціным.
Нехамер пасля сустрэчы працытаваў Пуціна: «Было б лепш, калі б яна — вайна — хутчэй скончылася», піша «РБК-Украіна».
Але канцлер Аўстрыі прызнаў, што з кантэксту гутаркі не было зразумела, пра які метад спынення вайны ішла гаворка.
З аднаго боку, гэтая фраза магла казаць пра тое, што Пуцін гатовы да мірных перамоваў, але нельга выключаць з боку прэзідэнта РФ і жадання хуткай перамогі.
Канцлер нарэшце таксама прызнаў, што ў Еўропы не можа быць ілюзій: прэзідэнт Пуцін цалкам прыняў логіку вайны і дзейнічае адпаведна ёй.