У Горках затрымалі ксяндза Андрэя Кеўліча
Абноўлена
Паводле інфармацыі ініцыятывы «Хрысціянская візія», сёння, адразу пасля імшы ў касцёле ў Горках, быў затрыманы святар Андрэй Кеўліч, дэкан Магілёўскага дэканата. Ён знаходзіцца ў Горацкім РАУСе.
На яго склалі пратакол і адпусцілі з Горацкага РУУС. Заўтра ў дачыненні да а. Андрэя адбудзецца суд, паведамляе «Хрысціянская візія». Святару пагражае штраф альбо адміністрацыйны арышт.
Падставай для затрымання і суда стаў рэпост з сайта, прызнанага экстрэмісцкім.
Роўна месяц таму, 17 сакавіка, ксёндз Андрэй Кеўліч быў прызначаны Магілёўскім дэканам, які ахопліваў каталіцкія парафіі ўсходняй часткі Магілёўскай вобласці.