Аднаго з затрыманых прафсаюзнікаў выпусцілі на волю
Праваабаронцы паведамляюць, што аднаго з лідараў незалежных прафсаюзаў Беларусі, Юрыя Белякова, учора выпусцілі.
Юрый Белякоў
Белякова адпусцілі ўчора — забралі пашпарт, камп'ютар, тэлефон. Больш падрабязнасцяў пакуль няма.
Юрый Белякоў, прадстаўнік Незалежнага прафсаюза работнікаў радыёэлектроннай прамысловасці (РЭП), разам з 13 іншымі прадстаўнікамі незалежных прафсаюзаў быў затрыманы 19 красавіка. Дома ў затрыманых прайшлі ператрусы.
У сераду 20 красавіка стала вядома, што прынамсі чацвёра лідараў прафсаюзнага руху — Сяргей Антусевіч, Генадзь Фядыніч, Мікалай Шарах і Аляксандр Еўдакімчык — змешчаныя ў СІЗА КДБ.