Затрымалі 19-гадовага актывіста Арсенія Дзядка
«Пакаяльнае» відэа з моладзевым актывістам з'явілася ў праўладных тэлеграм-каналах. Арсеній з'яўляецца сваяком палітвязня Міколы Дзядка.
На відэазапісе яго прымусілі сказаць, што падставай для затрымання стаў ягоны ўдзел у «масавых беспарадках» у жніўні 2020-га, у тым ліку з перакрыццем дарожнага руху.
Паводле яго слоў, ён знаходзіўся ў раёне ўніверсама «Рыга», зарэгістраваўся ў плане «Перамога».
Паводле інфармацыі праваабаронцаў, Арсеній утрымліваецца ў ЦІП на Акрэсціна.