Пуцін і Лукашэнка паразмаўлялі па тэлефоне
Адбылася тэлефонная размова Уладзіміра Пуціна з Аляксандрам Лукашэнкам. Пра гэта позна вечарам паведаміла прэс-служба Крамля.
Тое, што абмяркоўвалі суразмоўцы, падаецца ў агульных рысах:
разгледжаны пытанні двухбаковага парадку дня, прасоўвання саюзнага будаўніцтва;
закрануты асобныя аспекты інтэграцыйных абʼяднанняў на еўразійскай прасторы, у тым ліку ў сувязі з падрыхтоўкай маючай адбыцца сустрэчы лідараў дзяржаў ‒ членаў Арганізацыі Дагавора аб калектыўнай бяспецы;
абмеркавана сітуацыя «ў кантэксце спецыяльнай ваеннай аперацыі па абароне Данбаса»;
пацверджаны ўзаемны настрой на далейшае ўмацаванне расійска-беларускіх адносін, партнёрства і саюзніцтва.
Беларускі бок пра размову не паведамляў.