Беларусы прапануюць паставіць у Мінску помнік Шушкевічу і назваць у яго гонар вуліцу
З'явілася петыцыя, у якой беларусы прапануюць паставіць помнік Станіславу Шушкевічу і назваць у яго гонар адну з вуліц Мінска.
Подпісы збіраюцца да 16 мая. Пасля петыцыя будзе перададзеная ў Мінскі гарвыканкам.
Шушкевіч — першы кіраўнік незалежнай Беларусі. Пры ім дзяржаўнай сімволікай сталі гістарычныя герб «Пагоня» і бела-чырвона-белы сцяг.
«Белавежскага зубра» не стала ва ўзросце 87 гадоў, у ноч на 4 мая. Шушкевіча пахавалі на Паўночных могілках недалёка ад маці. Каб развітацца з ім, людзі стаялі ў даўжэзнай чарзе, а падчас імшы ў касцёле правялі палітыка ў апошні шлях доўгімі апладысментамі ў знак павагі.
Труну Шушкевіча накрылі бела-чырвона-белым сцягам.