Дэпутатка Ананіч з георгіеўскай стужкай прыйшла на акцыю «Несмяротны полк»
Сёлета Мінгарвыканкам узгадніў правядзенне акцыі 9 мая ў сталіцы. Сярод удзельнікаў «Несмяротнага палка» была і дэпутатка Лілія Ананіч. Яна трымала патрэт сваяка-партызана, перавязаны георгіеўскай стужкай.
Скрыншот: відэа «Спутнік»
Ідэя такога мерапрыемства нарадзілася ў Томску сярод мясцовых незалежных журналістаў. Але была перахопленая крамлёўскімі паліттэхнолагамі. У выніку ідэя ператварылася ў інструмент расійскай прапаганды.
Мінулыя два гады мінскія ўлады не дазвалялі шэсце. Звычайна на яго збіраюцца прарасійскія актывісты, а апроч фота сваякоў выносяць партрэты Сталіна.