Ціханоўская прыехала ў Чэхію вырашаць пытанні міграцыі беларусаў. Яна запрашае на сустрэчу
У Чэхіі пачалі распрацоўваць закон, які можа зрабіць міграцыю беларусаў у гэтую краіну немагчымай. Таму Святлана Ціханоўская сёння пачала тэрміновы рабочы візіт у гэтую краіну, каб сустрэцца з прэзідэнтам, прэм'ер-міністрам, міністрамі ўнутраных і знешніх спраў, Сенатам, міністрам адукацыі.
«Усе гэтыя сустрэчы патрэбныя, каб пераканаць іх падтрымліваць беларусаў далей, падзяляць рэжым і народ Беларусі і не дыскрымінаваць людзей, якія ўжо два гады супрацьстаяць двум дыктатарам, якія развязалі вайну ва Украіне», — гавораць у штабе.
11 мая ў 19:30 Святлана Ціханоўская запрашае беларусаў Чэхіі на сустрэчу, якая пройдзе па адрасе: Прага, Klementinum.