Reuters: Расія стаяла за кібератакай на спадарожнікавую інтэрнэт-сетку ва Украіне
Расія суправаджала ўварванне ва Украіну 24 лютага адключэннем тысячы мадэмаў. У гэтым сыходзяцца разведкі Вялікабрытаніі, Канады і ЕС.
«Гэтая кібератака аказала значны ўплыў, выклікаўшы невыбарныя перабоі ў сувязі паміж некалькімі дзяржаўнымі органамі, прадпрыемствамі і карыстальнікамі ва Украіне, а таксама закранула некалькі дзяржаў — членаў ЕС», — гаворыцца ў заяве Рады ЕС.
Брытанскі Нацыянальны цэнтр кібербяспекі (NCSC) лічыць, што асноўнай мэтай расійскай атакі былі ўкраінскія вайскоўцы, але яна таксама парушыла працу ветраных электрастанцый і карыстальнікаў інтэрнэту ў Цэнтральнай Еўропе.
Як адзначае Reuters, Расія адмаўляе, што праводзіць наступальныя кібераперацыі, і не адказвае на запыты па каментары.