У Латвіі судзяць за савецкую сімволіку
Лідэр латвійскіх нацыянал‑бальшавікоў на 9 мая прыйшоў да Помніка савецкім салдатам у Рызе з чырвоным сцягам.
Сёння ў Рызе адбудзецца суд над лідэрам латвійскіх нацыянал‑бальшавікоў Уладзімірам Ліндэрманам.
Ліндэрман сёлета на 9 мая прыйшоў да Помніка савецкім салдатам у Рызе з чырвоным сцягам, на якім прысутнічалі серп і молат. Тым самым ён парушыў закон «Аб сходах, шэсцях і мітынгах».
Нацыянал‑бальшавік мае намер надалей дамагацца легалізацыі савецкай сімволікі ў Латвіі. Камуністычная сімволіка ў краінах Балтыі забаронена на роўні з нацысцкай.