Падазраванага ў забойстве ў Ваўкавыску затрымалі
У нядзелю ў двары аднаго з ваўкавыскіх шматпавярховікаў на вачах у мясцовых жыхароў здарылася трагедыя. Мужчына з нажом і бітай зладзіў бойку. У выніку загінуў 28-гадовы хлопец, яшчэ двое атрымалі траўмы рознай ступені цяжкасці.
30-гадовы падазраваны быў абвешчаны ў вышук.
Уначы 3 чэрвеня яго затрымалі недалёка ад горада, паведамляе прэс-служба МУС.
Паводле папярэдняй інфармацыі, перад інцыдэнтам мужчына ўжываў спіртное. Раней ён прыцягваўся да крымінальнай адказнасці за прычыненне цялесных пашкоджанняў.