Полк Каліноўскага заклікае беларусаў запісвацца ў лукашэнкаўскія тэрабарону і «апалчэнне»
У тэлеграм-канале палка Каліноўскага з'явіўся зварот-рэкамендацыя да ўсіх патрыётаў Беларусі, якія не могуць далучыцца да змагання ва Украіне непасрэдна. У такім выпадку рэкамендуецца выкарыстоўваць магчымасці рэжымных парамілітарных арганізацый.
Прапануецца:
- уваходзіць у шэрагі афіцыйных структур тэрытарыяльнай абароны Беларусі ці далучацца да так званага «народнага апалчэньня»;
- удасканальваць навыкі валодання зброяй, праходзіць вайсковыя зборы, групавыя і індывідуальныя трэніроўкі, выкарыстоўваць бяспечныя магчымасці;
- збіраць інфармацыю пра пункты выдачы зброі, камандны склад розных структур, месцы захоўвання прыдатнай да ўжывання вайсковай тэхнікі, сістэмы аховы вайсковых складоў.