Гайдай: Расія кідае ўсе сілы на захоп Севераданецка
Паводле слоў кіраўніка Луганскай вобласці, украінскай арміі, магчыма, прыйдзецца адступіць, каб заняць больш моцныя пазіцыі.
Расія кідае ўсе сілы, каб правесці наступ на Севераданецк, заявіў кіраўнік Луганскай вобласці Сяргей Гайдай.
Паводле яго слоў, украінскай арміі, магчыма, прыйдзецца адступіць, каб заняць больш моцныя пазіцыі. Але гаворкі пра здачу горада быць не можа, там ідуць жорсткія баі, дадаў ён. Украінскі бок чакае, што Расія ўзмоцніць наступ на Севераданецк.
Раней УСУ заявілі, што Расія не дабілася поспехаў ва ўзяцці Севераданецка, бо украінскі бок адбівае наступ.