Журналістаў Канстанціна Залатых і Алеся Любенчука прызналі палітвязнямі
Праваабаронцы прызналі палітвязнямі журналіста Алеся Любенчука і дырэктара газеты «Беларусы і рынак» Канстанціна Залатых.
Аляксандр Любянчук
Залатых затрымалі 18 мая. У яго дома і ў рэдакцыі адбыўся ператрус. Адвакат амаль тыдзень не мог з ім сустрэцца і не ведаў, дзе яго трымаюць.
Залатых выставілі абвінавачанне паводле ч. 2 арт. 130 Крымінальнага кодэкса (распальванне варажнечы, спалучанае з гвалтам альбо здзейсненае службовай асобай). Яму пагражае ад 3 да 10 гадоў пазбаўлення волі. Канстанцiн Залатых знаходзiцца ў СІЗА ў Жодзіне.
Журналіста-фрылансера Алеся Любенчука затрымалі 26 мая. Ён знаходзіцца ў СІЗА ў Мінску. На сёння дакладна не вядома, у чым яго вінавацяць. Адвакат журналіста знаходзіцца пад падпіскай аб неразгалошванні.
.