9.09.09 а 19-й гадзіне
Алесь Камоцкі прэзентуе свой новы альбом.
Бард-лірык Алесь Камоцкі 9 верасня прэзентуе свой новы альбом «9».
«Наша Ніва»: Спадар Алесь, чаму «9»? «Нумарныя» прычыны?
Алесь Камоцкі: Не, гэта не мой дзявяты альбом. Дзявяткі тлумачацца проста - песняў на дыску дзевяць штук, а астатнія дзявяткі збегліся досыць спантанна...
«НН»: Пасля вашага рэтра-альбому «З бацькоўскай кружэлкі«, у якім вы пераспявалі па-беларуску шлягеры савецкіх часоў («Шумеў трыснёг…», «Ляцяць пералётныя птушкі…» і «Так натомлена сонцам…»), вы тады сказалі, што людзі нейкі час лепей прымалі перакладзеныя песні чым вашыя ўласныя.
АК: Так, людзі хочуць знаёмага. Тая «Кружэлка» гэтак прыпала людзям да сэрца, бо ў іх пад «Так натомлена сонцам…» прайшло жыццё. Але цяпер сітуацыя выраўнялася: слухачам проста трэба было прывыкнуць да маіх уласных песняў.
Канцэрт Алеся Камоцкага адбудзецца ў Малой залі «Мінск» 9 верасня а 19 гадзіне. З адмыслова запрошаных гасцей — Рыгор Барадулін. Квіткі каштуюць 15‑35 тыс. руб.