Майстар спорту па паўэрліфцінгу з Баранавічаў затрыманы за развешванне беларускіх сцягоў
Учора з'явілася інфармацыя пра затрыманне 54-гадовага жыхара Баранавічаў Уладзіміра Бранавіцкага.
Сёння стала вядома, што мужчыну абвінавачваюць у тым, што ён са студзеня па чэрвень бягучага года нібыта развешваў «пратэстную сімволіку» на лініях электраперадачы ў Баранавічах, на тэрыторыях Баранавіцкага і Ляхавіцкага раёнаў.
Супраць мужчыны распачалі крымінальную справу за хуліганства (арт. 339).
Вядома, што Бранавіцкі падпісваў ліст аб спыненні рэпрэсій ад імя спартоўцаў у канцы жніўня 2020 года.