У Латвіі стварылі марозіва «Слава Украіне!» у жоўта-блакітных колерах
Марозіва «Слава Украіне!» будуць прадаваць у латвійскіх гандлёвых сетках, а ўкраінцам, якія вымушаныя былі праз вайну пакінуць свае дамы, яго будуць даваць задарма. Адзін еўра з кожнага набытага марозіва будзе пералічвацца ўкраінскай арганізацыі па абароне дзяцей.
Для жоўтага колеру быў выкарыстаны смак шафрану, а для сіняга — бузіны і васілька.
Па словах генеральнай дырэктаркі Food Unionу Латвіі Ірэны Халоднай, гэтае марозіва — даніна мужнасці і свабодалюбству ўкраінскага народа, а таксама напамін усім у Латвіі пра тое, што ва Украіне, як і раней, ідзе страшная вайна, таму неабходна працягваць дапамагаць яе народу.