Пры ЕC створаць групу па пытаннях беларусаў
На сустрэчы ў Бруселі 20 чэрвеня з еўракамісарам па ўнутраных справах Ільвай Ёхансан Святлана Ціханоўская дамовілася стварыць спецыяльную працоўную групу пры Еўракамісіі па вырашэнні візавых і міграцыйных пытанняў беларусаў.
Фота з тэлеграм-канала Святланы Ціханоўскай
Група пачне сваю працу ўжо на гэтым тыдні і будзе збірацца на рэгулярнай аснове, павядамляе офіс Ціханоўскай.
Абмеркаваныя таксама пытанні, якія тычацца злоўжывання рэжымам магчымасцямі інтэрпала.
Справа ў тым, што пасля пачатку вайны ва Украіне многія беларусы сутыкнуліся з дыскрымінацыяй. Святлана Ціханоўская падкрэсліла, што важна не толькі ізаляваць рэжым, але дапамагчы людзям, якія змагаліся супраць гэтага рэжыму і цяпер ратуюцца ад вайны і тэрору.