Палітзняволеная Яна Мілеўская цалкам адбыла тэрмін і выйшла на волю
Яна Мілеўская сёння выйшла на волю з гомельскай жаночай калоніі № 4. Пра гэта паведаміла «Вясна».
26-гадовую Яну Мілеўскую затрымалі 7 верасня 2021 года па крымінальнай справе аб абразе дзяржаўнага сцяга (арт. 370 Крымінальнага кодэкса). Яе, а таксама Максіма Мычко і Аляксандра Бендзя, абвінавацілі ў тым, што яны сарвалі дзяржаўны сцяг на адной з вуліц Гомеля. Іх асобы былі ўстаноўленыя з дапамогай камер відэаназірання. Палітвязняў асудзілі да аднаго года калоніі.
Таксама сёння павінны выйсці Мычко і Бендзь.