У райцэнтрах Магілёўшчыны закрыюць усе газетныя кіёскі
Кіёскі «Магілёўаблсаюздруку» застануцца толькі ў Магілёве і Бабруйску. Цяпер прадпрыемства шукае пакупнікоў і арандатараў на свае гандлёвыя аб'екты.
Як піша Mayday, работа ў невялікіх гарадах стала настолькі стратнай, што прадпрыемству больш выгадна згарнуць дзейнасць. Не дапамагло нават тое, што «Магілёўсаюздруку» дазволілі гандляваць прадуктамі харчавання: цукрам, мукой, сланечнікавым алеем.
У вобласці ў прадпрыемства было 4 філіялы, 7 участкаў і 224 гандлёвыя кропкі. Са студзеня 2022 года ў рэгіёнах пачаліся праблемы з выплатай заробкаў. Людзям прапаноўвалі звольніцца альбо сысці ў адпачынак за свой кошт.