Шайгу праінспектаваў расійскую групоўку войскаў ва Украіне
Міністр абароны Расіі Сяргей Шайгу праінспектаваў расійскую групоўку войск, задзейнічаных у «спецаперацыі» ва Украіне, паведаміла ваеннае ведамства.
«На камандных пунктах расійскіх груповак генерал арміі Сяргей Шайгу заслухаў даклады камандуючых па бягучай абстаноўцы і дзеянням расійскіх Узброеных сіл на асноўных аперацыйных напрамках», — заявілі ў міністэрстве.
Дзе тэрытарыяльна знаходзіўся Шайгу, не ўдакладняецца.
Міністр абароны абмеркаваў арганізацыю «ўсебаковага забеспячэння баявых дзеянняў» і стварэнне ў пунктах часовай дыслакацыі неабходных бытавых умоў для расійскіх вайскоўцаў.
Міністр таксама ўручыў дзяржаўныя ўзнагароды ваеннаслужачым — медалі «Залатая Зорка» Героя Расіі і ордэн Мужнасці.