Сталі вядомыя падрабязнасці інцыдэнту з жывым лебедзем у багажніку аўто. Жывадзёру пагражае арышт
На днях з'явілася відэа, на якім мужчына запіхвае лебедзя ў багажнік машыны на расійскіх нумарах. Ён кажа, што зробіць з лебедзя далікатэс. Сталі вядомыя падрабязнасці.
Відэа было знятае на мяжы Глыбоцкага і Полацкага раёнаў.
У міліцэйскіх тэлеграм-каналах з'явіліся падрабязнасці здарэння.
На возеры Суя каля Полацка месяц таму адпачывала кампанія: 33-гадовы мужчына з Наваполацка выпіў і вырашыў зняць відэа. Ён узяў птушку за шыю і паспрабаваў пасадзіць яе ў багажнік.
Але таварышы спынілі мужчыну. З лебедзем усё добра.
У сераду адбудзецца суд над мужчынам. Яму пагражае ад 20 базавых да арышту.