Доктар РНПЦ дзіцячай анкалогіі Юлія Жаранкова знаходзіцца на волі. Другі медык атрымаў 10 сутак арышту
Анколаг-гематолаг РНПЦ дзіцячай анкалогіі, гематалогіі і імуналогіі Юлія Жаранкова знаходзіцца на волі, яна начавала дома, яе апыталі ў якасці сведкі, паведамляе тэлеграм-канал «Панацэя».
Юлію Жаранкову затрымалі ўчора супрацоўнікі КДБ. Яна з’яўляецца старшынёй першаснай арганізацыі «Свабоднага прафсаюза Беларускага» ў РНПЦ.
Паводле звестак канала «Панацэя», начальнік лабараторыі генетычных біятэхналогій РНПЦ дзіцячай анкалогіі Аляксандр Мялешка атрымаў 10 сутак адміністрацыйнага арышту.
Пра затрыманне абодвух стала вядома ўчора.