Украінскія партызаны забілі калабаранта, «мэра» Вялікага Бурлука на Харкаўшчыне
У Вялікім Бурлуку Харкаўскай вобласці загінуў кіраўнік мясцовай акупацыйнай адміністрацыі Яўген Юнакоў. Пра гэта паведамляе ТАСС са спасылкай на акупацыйную «абласную адміністрацыю».
Аўтамабіль, у якім знаходзіўся высокапастаўлены калабарант, выбухнуў. Як сцвярджае прэс-служба акупацыйнай «абласной адміністрацыі», выбуховую прыладу змясцілі пад аўтамабіль Юнакова.
Выданне KharkivToday называе Юнакова былым юрыстам кіраўніка Вільхувацкай грамады Васіля Сарокіна, які таксама перайшоў на бок Расіі.