У Жлобінскім раёне пачаліся вучэнні тэрытарыяльных войск
Сёння ў Жлобінскім раёне пачаліся камандна-штабныя вучэнні з тэрытарыяльнымі войскамі. Як паведаміла Мінабароны, яны працягнуцца да 14 ліпеня. Кіруе манеўрамі намеснік старшыні Гомельскага аблвыканкама.
Ілюстрацыйны здымак. Фота: Мінабароны
«Мэта вучэнняў — ацэнка гатоўнасці службовых асоб сфармаваных вайсковых частак тэрытарыяльных войскаў выканаць вучэбна-баявыя задачы, удасканаленне навыкаў афіцэраў запасу ў працы на пункце кіравання і ў кіраўніцтве падначаленым асабовым складам пры выкананні задач тэрытарыяльнай абароны», — паведамляе Мінабароны.
Будуць адпрацоўвацца пытанні аховы і абароны аб'ектаў, а таксама нясення службы на КПП падчас выканання мер ваеннага становішча.