У Расіі выяўленая воспа малпаў
У Расіі пацверджаны першы выпадак выяўлення гэтага захворвання. «Захворванне выяўленае ў маладога чалавека, які вярнуўся з паездкі па краінах Еўропы і звярнуўся ў медыцынскую ўстанову з характэрным сыпам», — гаворыцца ў паведамленні Расспажыўнагляду.
Тэставанне пацвердзіла, што ў мужчыны сапраўды воспа малпаў. Ён ізаляваны ў інфекцыйнай бальніцы. Захворванне працякае ў лёгкай форме, пагрозы для жыцця няма.
Раней воспа малпаў была зафіксаваная ў суседніх з Беларуссю Латвіі і Польшчы. Усяго гэтае захворванне выяўленае ў 59 краінах (каля 9 тысяч выпадкаў).