Расія бамбіць украінскія гарады пераробленымі ракетамі супрацьпаветранай абароны
Мінабароны Украіны паведаміла пра ракетны удар па Мікалаеве пераробленымі ракетамі сістэмы супрацьпаветранай абароны С-300. Адзначаецца, што раніцай ад удару пацярпелі жылыя будынкі і аб’екты сацыяльнай інфраструктуры.
Расія мае багата сістэм С-300 і ў апошні час стала выкарыстоўваць іх для ўдараў па наземных цэлях. Пра гэта таксама паведамляў амерыканскі Інстытут вывучэння вайны (ISW).