Кліентам Беларусбанка трэба будзе ўводзіць SMS-код для пацвярджэння некаторых аперацый у АРІП
Беларусбанк уводзіць SMS-пацвярджэнне для некаторых аперацый, якія здзяйсняюцца ў сістэме «Інтэрнэт-банкінг». Кароткае паведамленне з лічбавым кодам будзе прыходзіць на нумар тэлефона, пазначаны ў сістэме.
Фота «Вікіпедыя»
Гэта тычыцца наступных расходных аперацый:
— папаўненне акаўнтаў крыптабірж/крыптаабменнікаў (Bynex.io, Currency.com, Free2ex.com);
— папаўненне рахункаў мабільнага аператара МТС;
— адвольных плацяжоў (аперацыі «плацёж па рэквізітах»).
Дадатковая аўтарызацыя ўводзіцца ў сувязі з выяўленнем новых ашуканскіх схем з выкарыстаннем фішынгавых старонак банка.
Код пацвярджэння будзе прыходзіць з афіцыйнага нумара kod.ASB.BY і ўтрымліваць шэсць лічбаў.