У Полацку затрыманы старшыня Свабоднага прафсаюза Беларускага Мікола Шарах
Як паведамляюць ягоныя паплечнікі, суд над ім адбудзецца 15 ліпеня, піша «Вясна».
Прафсаюзнага лідэра затрымалі пасля вяртання з Мінска, дзе Вярхоўны суд разглядаў справу аб ліквідацыі СПБ. Ці ліквідаваны прафсаюз, пакуль невядома — Шараху паведамілі, што рашэнне вышлюць на электронную пошту.
Вядома, што сёння Вярхоўны суд ліквідаваў Свабодны прафсаюз металістаў.
У красавіку Шарах ужо затрымліваўся разам з іншымі лідарамі беларускіх незалежных прафсаюзаў, але праз тыдзень яго выпусцілі.