Рэзнікаў: Украіна абавязалася не прымяняць HIMARS па тэрыторыі Расіі
Украіна абавязалася не выкарыстоўваць высокадакладную амерыканскую зброю, уключаючы HIMARS, па аб'ектах на тэрыторыі Расійскай Федэрацыі. Пра гэта кіраўнік Мінабароны Украіны Аляксей Рэзнікаў заявіў у інтэрв'ю BBC News Украіна.
Сістэма HIMARS
Па словах міністра, адпаведныя абавязацельствы ён прапісаў у лісце свайму амерыканскаму калегу. У ім Рэзнікаў удакладніў, што Украіна будзе выкарыстоўваць пастаўленую зброю для стрымлівання ворага і дэакупацыі часова акупаваных тэрыторый.
Да таго ж, Пентагон цікавіўся, ці будзе Кіеў прымяняць гэтую зброю па акупаваным Крыме.
«Я сказаў, што ў нас дастаткова стратэгічных аб'ектаў на акупаваных расіянамі ўкраінскіх тэрыторыях. На што ён (кіраўнік Пентагона Лойд Осцін) адказаў: мы цябе зразумелі», — распавёў Рэзнікаў.
Акрамя таго, Украіна вядзе перамовы са Злучанымі Штатамі Амерыкі адносна дальнабойных ракет для амерыканскіх РСЗА.