У лабавым ДТЗ пад Полацкам пацярпелі 5 чалавек
15 ліпеня каля 13-й гадзіны каля вёскі Мяжна пад Полацкам сутыкнуліся тры аўтамабілі: Volkswagen Polo, Mercedes — Benz і Mazda, паведамляе УДАІ УУС Віцебскага аблвыканкама
Паводле папярэдняй інфармацыі, 23-гадовы кіроўца Volkswagen, які рухаўся за Mazda, паварочваў направа і дапусціў занос.
Аўтамабіль вынесла на сустрэчную паласу, дзе ён сутыкнуўся ў лабавую з Mercedes-Benz, а затым — бокам з Mazda.
Кіроўца і трое пасажыраў Volkswagen, а таксама кіроўца Mercedes-Benz з траўмамі дастаўленыя ў бальніцу.