Пастаўкі газу праз «Паўночны паток» аднавіліся
Пастаўкі газу праз трубаправод «Паўночны паток — 1» аднавіліся пасля 10-дзённага спынення, паведамляе нямецкае інфармацыйнае агенцтва DPA са спасылкай на прадстаўніка кампаніі.
Фота: AP
Аб аб'ёмах пакуль нічога не паведамляецца.
Раней краіны ЕС выказвалі засцярогі, што пастаўкі не будуць адноўленыя, а трубаправод будзе выкарыстаны Расіяй як сродак шантажу.
Абедзве ніткі газаправода знаходзіліся на планавай прафілактыцы на працягу дзесяці дзён — з 11 па 21 ліпеня, прапампоўка газу была цалкам прыпыненая.