Загінуў салдат тэрміновай службы з механізаванай брыгады са Слоніма
Як паведамляе прэс-служба Мінабароны, падчас выканання мерапрыемстваў баявой падрыхтоўкі салдат 11-й асобнай гвардзейскай механізаванай брыгады (дыслакуецца ў Слоніме) атрымаў агнястрэльнае раненне, ад якога памёр.
Праводзіцца праверка для высвятлення ўсіх абставін здарэння.
Ваеннае ведамства выказвае спачуванні родным і блізкім, паведамляецца, што сваякам загінулага будзе аказаная неабходная дапамога.