Цапкала прапанаваў выкупляць палітвязняў — але наступствы могуць быць непрадказальныя ВІДЭА
Тлумачыць «Наша Ніва».
Больш за 1200 чалавек — столькі палітвязняў у Беларусі сядзіць у турмах. І гэта толькі тыя, чые імёны вядомыя. Яшчэ сотні людзей застаюцца на «хатняй хіміі». Лукашэнка трымае іх як закладнікаў. Нядаўна Валерый Цапкала прапанаваў выкупляць палітвязняў у рэжыму.
Сама па сабе ідэя не новая. Цягам некалькіх дзесяцігоддзяў, пачынаючы з 1960-х, ФРГ такім чынам вызваліла дзясяткі тысяч людзей з ГДР.
Аднак, пры ўсёй прывабнасці, мы рызыкуем уцягнуцца ў працэс, якому не будзе канца і які замест таго, каб паскорыць вызваленне Беларусі, наадварот, умацуе рэжым.